.
20 июни соли 2024 бо ташаббуси раёсати Агентии назорати молиявӣ ва мубориза бо коррупсияи Ҷумҳурии Тоҷикистон дар шаҳри Душанбе ва раёсати Донишгоҳи давлатии омӯзгории Тоҷикистон ба номи Садриддин Айнӣ дар толори Донишгоҳ бо иштироки омӯзгорон ва донишҷӯён конфронси илмӣ-амалӣ дар мавзуи “Тақвият бахшидани муқовимат ба коррупсия дар соҳаи маориф” дар ҳошияи эълон гардидани “Соли маърифати ҳуқуқӣ” баргузор шуд.
Конфронсро шахсони масъули Донишгоҳи давлатии омӯзгории Тоҷикистон ба номи Садриддин Айнӣ ҳусни оғоз бахшида, зикр карда шуд, ки ҳанӯз аз оғози даврони Истиқлолияти давлатии Ҷумҳурии Тоҷикистон Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо хиради азалӣ ва заковати дурбинона ҷиддияти масъалаҳои экстремизму терроризм ва ҷаҳонишавии коррупсияро, ки ҷомеаи ҷаҳониро ба ташвиш оварда буд, сари вақт дарк намуда, муқовимати оштинопазирро бо ин падидаҳои номатлуб дар меҳвари сиёсати хеш қарор додаанд. Таъкид гардид, ки дар таърихи Тоҷикистони навин тамоми масъалаҳо вобаста ба ташкилу фароҳам овардани заминаҳои ҳуқуқӣ ва татбиқи амалии муқовимат ба коррупсия бевосита аз иродаи олии сиёсии ин абармарди таърихӣ сарчашма гирифта, ташаббусҳои ин сиёсатмадори барҷаста дар ин ҷода беназир арзёбӣ мегардад.
Дар идома иштирокчиёни конфронс дар мавзӯъҳои ҷанбаҳои ҳуқуқии пешгирии коррупсия дар муассисаҳои таълимии таҳсилоти олии касбӣ, таҳлили хавфҳои коррупсионӣ, экстремизм ва терроризм, инчунин нақши ниҳодҳои давлатӣ ва сиёсию ҷамъиятӣ дар мубориза бар зидди коррупсия маърӯза карданд ва оид ба масъалаи мазкур мубодилаи афкори судманд сурат гирифт.
Дар маҷмӯъ чорабинӣ дар фазои руҳияи зиддикоррупсионӣ сурат гирифта, ба итминон метавон гуфт, ки натиҷаҳои он таъсири мусбии худро ҷиҳати дар ҷомеа ба вуҷуд овардани муносибати оштинопазир ба падидаи коррупсия ва баланд бардоштани маърифати ҳуқуқии иштирокчиён мерасонад.
Чоп намудан
E-mail
.
20-21 майи соли 2024 дар шаҳри Тошканди Ҷумҳурии Ӯзбекистон бо ташаббуси Намояндагии минтақавии Раёсати Созмони Милали Муттаҳид оид ба маводи мухаддир ва ҷинояткорӣ дар Осиёи Миёна (UNODC ROCA) Конфронси минтақавии коршиносон баргузор гардид, ки дар он намояндагони Агентӣ ширкат варзиданд.
Конференсияи мазкур дар заминаи Платформаи минтақавӣ ҷиҳати мусоидат ба татбиқи босуръати меъёрҳои Конвенсияи СММ зидди коррупсия ташкил ва баргузор гардида, ҳадафи асосии он аз табодули таҷриба ва таҳкими ҳамкорӣ байни мақомоти ҳифзи ҳуқуқи ҷумҳуриҳои Тоҷикистон, Қазоқистон, Қирғизистон, Ӯзбекистон ва Туркманистон дар самти баргардонидани дороиҳои тасарруфшуда, идоракунии дороиҳои ҳабсшуда ва мусодирашуда, инчунин масъалаҳои мубрам оид ба истифодаи криптоасъорҳо ба шумор меравад.
Чорабинӣ дар фазои илмӣ ва мубоҳисавӣ ҷараён ёфта, иштирокчиёни он аз маърӯзаҳои пурмуҳтавои коршиносони сатҳи байналмилалӣ дар мавзӯъҳои қайдгардида баҳраманд гардиданд.
Маркази матуботи Агентӣ
Чоп намудан
E-mail
.
08 майи соли 2024 бо ташаббуси раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳри Душанбе дар толори маҷлисгоҳи Муассисаи давлатии Маркази назорати давлатии санитарию эпидемиологии шаҳри Душанбе бо иштироки шахсони масъули муассисаҳои табобатию пешгирии раёсати тандурустии Мақомоти иҷроияи ҳокимияти давлатии шаҳри Душанбе дар мавзӯи “Таҳлили хавфҳои коррупсионӣ” мизи мудаввар баргузор гардид.
Чорабинии мазкурро сардори раёсати тандурустии Мақомоти иҷроияи ҳокимияти давлатии шаҳри Душанбе н.и.т. Х. Шарифзода ҳусни оғоз бахшида, вобаста ба оқибатҳои хисороти падидаи коррупсия ба амнияти иқтисодии кишвар, эълон гардидани соли 2024 ҳамчун “Соли маърифати ҳуқуқӣ” ва дар ин замина баланд бардоштани маърифати ҳуқуқӣ ибрози андеша намуданд.
Дар идомаи чорабинӣ аз ҷониби масъулини раёсати Агентӣ дар шаҳри Душанбе дар мавзӯъҳои “Нуқтаҳои асосии мулоқоти Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо намояндагони аҳли ҷомеа ва ходимони дини кишвар аз 9 марти соли 2024”, “Мафҳум, мақсад, тартиби ташкили раванди таҳлил ва давраҳои таҳлили хавфҳои коррупсионӣ” ва дигар масъалаҳои мубрами рӯз маърӯза карда шуда, вобаста ба моҳият ва мазмуни гузаронидани таҳлили хавфҳои коррупсионӣ шарҳу тавзеҳ дода шуд.
Дар маҷмӯъ чорабинӣ дар фазои илмӣ ва мубоҳисавӣ сурат гирифта, мақсад аз баргузории ин гуна чорабиниҳо ин пеш аз ҳама баланд бардоштани маърифати ҳуқуқии зиддикоррупсионии тамоми қишри ҷомеа ва муқовимат ба ин зуҳуроти номатлуб арзёбӣ мегардад.
Маркази матбуоти Агентӣ
Чоп намудан
E-mail
.
Санаи 2-юми майи соли 2024 дар шаҳри Самарқанди Ҷумҳурии Ӯзбекистон дар доираи банди 6 Нақшаи чорабиниҳо оид ба татбиқи «Созишномаи ҳамкорӣ байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Департаменти мубориза бо ҷиноятҳои иқтисодии назди Прокуратураи генералии Ҷумҳурии Ӯзбекистон дар самти мубориза бо ҷиноятҳои иқтисодӣ ва коррупсионӣ» вохӯрии дуҷонибаи ҳайати расмии Агентӣ таҳти роҳбарии муовини якуми директор Расулӣ Барот ва роҳбарияти Департаменти болозикр баргузор гардид.
Бояд қайд намуд, ки дар чорабинӣ масъалаҳои ҳамкории воҳидҳои наздисарҳадии мақомотҳо ва таъмини иҷрои бандҳои Нақшаи чорабиниҳо оид ба татбиқи Созишномаи ҳамкорӣ байни ду мақомот мавриди баррасӣ қарор дода шуд.
Ҷонибҳо ба рушд ва тавсеаи шарикии мутақобилан судманд дар самти муқовимат ба ҷиноятҳои иқтисодӣ ва коррупсионии фаромиллӣ таваҷҷӯҳи хоса зоҳир намуда, омодагии худро барои густариши ҳамкориҳо дар чаҳорчӯби Созишномаи ҳамкорӣ изҳор намуданд.
Маркази матбуоти Агентӣ
Чоп намудан
E-mail
.
Ёдовар мешавем, ки аз 15 то 19 апрели соли 2024 ташрифи аъзоёни гурӯҳи мониторингии Шабакаи зиддикоррупсионии Созмони Ҳамкории Иқтисодӣ ва Рушд ба Ҷумҳурии Тоҷикистон сурат гирифта, дар доираи он меҳмонон бо масъулини вазорату идораҳои кишвар, ҷомеаи шаҳрвандӣ ва намояндагони ташкилотҳои байналмилалӣ роҷеъ ба иҷроиши тавсияҳои Нақшаи Истамбулии амалҳои мубориза бо коррупсия барои давлатҳои Аврупои Шарқӣ ва Осиёи Марказӣ вохӯриҳо гузарониданд.
Дар фарҷоми арзёбӣ санаи 19 апрели соли 2024 дар бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон вохӯрии ниҳоии ҳайати расмии мақомот таҳти роҳбарии директори Агентӣ муҳтарам Султонзода С.С. бо аъзоёни гурӯҳи мониторингӣ баргузор гардид.
Зимни вохӯрӣ қайд гардид, ки дар Ҷумҳурии Тоҷикистон заминаҳои ҳуқуқӣ барои муборизаи беамон бо зуҳуроти коррупсия қабул ва тавсияҳои Нақшаи Истамбулии амалҳои мубориза бо коррупсия барои давлатҳои Аврупои Шарқӣ ва Осиёи Марказӣ аз тарафи кишвар пазируфта шуда, он давра ба давра мавриди иҷро қарор дода шуда истодааст.
Қайд гардид, ки иҷроиши тавсияҳои Нақша дар Ҷумҳурии Тоҷикистон аз ҷониби гурӯҳи мониторингӣ мавриди арзёбӣ қарор гирифта, аз натиҷаи он ҳисоботи даврӣ таҳия гашта, унвонии тарафҳо манзур мегардад.
Маркази матбуоти Агентӣ.
Чоп намудан
E-mail
.
23 феврали соли 2024 бо ташаббуси раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳри Душанбе дар асоси нақшаи чорабиниҳои муштарак оид ба гузаронидани суҳбату вохӯриҳо бо сокинони ноҳияи Фирдавсии шаҳри Душанбе дар толори маҷлисгоҳи Гимназияи №74-и ноҳияи Фирдавсии шаҳри Душанбе вобаста ба шарҳу тавзеҳи Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии ҷумҳурӣ” бо иштироки омӯзгорон ва падару модарони хонандагони муассисаи мазкур вохӯрӣ баргузор гардид.
Чорабиниро муовини раиси ноҳияи Фирдавсии шаҳри Душанбе Шукурзода Саодат Нусратулло ҳусни оғоз бахшида, доир ба “Соли маърифати ҳуқуқӣ” эълон гардидани соли 2024 ибрози андеша намуданд.
Дар идомаи чорабинӣ аз ҷониби кормандони шуъбаи муқовимат ба коррупсияи раёсати Агентӣ дар шаҳри Душанбе оид ба муҳтавои Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар бораи самтҳои асосии сиёсати дохилӣ ва хориҷии мамлакат, пешгирии содиршавии ҷиноятҳои коррупсионӣ, нагаравидани ҷавонон ба ҳизбу ҳаракатҳои террористиву экстремистӣ, муомилоти ғайриқонунии маводҳои мухаддир, риояи талаботи қонунҳои Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” ва “Дар бораи масъулияти падару модар дар таълиму тарбияи фарзанд” суханронӣ карданд.
Ҳадаф аз баргузории чорабинӣ ин баланд бардоштани маърифати ҳуқуқии шаҳрвандон ба ҳисоб рафта, зимни он ба саволҳои иштирокчиён посухҳои мушаххас дода шуд.
Маркази матбуоти Агентӣ.
Чоп намудан
E-mail
.
21 феврали соли 2024 дар бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон таҳти роҳбарии муовини якуми директори Агентӣ мулоқоти корӣ байни намояндагони вазорату идораҳои дахлдори кишвар ва коршиноси Барномаи рушди Созмони Милали Муттаҳид Иракли Кокетшвили ҷиҳати баррасии таклифу пешниҳод ва ташаббусҳо дар самти муқовимат ба коррупсия сурат гирифт.
Ба кори чорабинӣ муовини якуми директори Агентӣ ҳусни оғоз бахшида, ташрифи меҳмононро ба Агентӣ хайрамағдам гуфтанд ва сипас аз ҷониби коршиноси Барнома таҷрибаҳои пешқадам дар самти муқовимат ба коррупсия ба самъи иштирокчиён расонида шуд.
Дар мулоқот ҳолат ва дурнамои рушди ҳамкориҳои муштарак байни Агентӣ ва Барнома мавриди баррасӣ қарор дода шуда, дар ин замина таклифу пешниҳодҳо ҷиҳати ҳамоҳанг сохтани тадбирҳо ва ба роҳ мондани ҳамкории самарабахш дар самти мубориза бар зидди коррупсия дар кишвар манзур гардид.
Чорабинӣ ҳамчун маҳаки тақвиятдиҳандаи муносибатҳои мутақобилаи судманд маҳсуб дониста шуда, ҷонибҳо омодагии худро барои тақвияти ҳамкориҳо дар ин самт иброз намуданд.
Маркази матбуоти Агентӣ!
Чоп намудан
E-mail
.
20 феврали соли 2024 дар бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо мақсади тақвият бахшидани фаъолияти мақомот дар самти робита бо ҷомеа бо намояндагони “Ассотсиатсияи блогерони Тоҷикистон” вохӯрӣ баргузор гардид.
Зимни мулоқот қайд карда шуд, ки яке аз чораҳои муосири пешгирии коррупсия ин тарғибу ташвиқ ва таълиму тарбияи зиддикоррупсионӣ ба ҳисоб рафта, ҳамкорӣ бо васоити ахбори омма тақозои замон мебошад ва иттилоотонии шаҳрвандон, гузаронидани корҳои таблиғотиву ташвиқотӣ, пешгирии содиркунии ҷиноятҳо, хусусан ҷиноятҳои ба коррупсия алоқаманд тариқи шабакаҳои иҷтимоии интернетӣ ба мақсад мувофиқ арзёбӣ мегардад.
Дар ин раванд ҷонибҳо муколамаи судманд анҷом дода, таклифу пешниҳодҳои худро ҷиҳати андешидани тадбирҳо дар самти муқовимат ба коррупсия ироа намуда, барои роҳандозӣ кардани ҳамкории муфид ба мувофиқа расиданд.
Маркази матбуоти Агентӣ!
Чоп намудан
E-mail
