.
26 июни соли 2024 дар толори маҷлисгоҳи бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки роҳбарият ва ҳайати васеи кормандон бахшида ба таҷлили «Рӯзи Ваҳдати миллӣ» ҷамъомади тантанавӣ баргузор гардид.
Нахуст дар чорабинӣ директори Агентӣ, генерал-лейтенанти адлия Султонзода Сулаймон Саид бо шукургузорӣ аз суботу оромӣ ва рушду шукуфоӣ, ки имрӯз дар Ватани аҷдодиамон ҳукмфармост ҳозирин ва тамоми мардуми шарифи Тоҷикистонро ба ифтихори ин санаи фархунда табрику муборакбод гуфта, ба Ватани азизамон ваҳдати пойдору устувор, сулҳу суботи ҷовидонӣ ва ба ҳар хонадони кишвар хушбахтиву пирӯзӣ, табъи болида ва саодати рӯзгорро таманно намуданд.
Маркази матбуоти Агентӣ
Чоп намудан
.
Санаи 24 июни соли 2024 дар ҳошияи таҷлили «Рӯзи Ваҳдати миллӣ» бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Федератсияи футболи Тоҷикистон дар заминаи дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки зимни ироаи Паёми худ ба Маҷлиси Олии кишвар 23 декабри соли 2023 баён доштанд ва Қарори Ҳукумати Ҷумҳурии Тоҷикистон аз 3 декабри соли 2021, №516 «Дар бораи Барномаи рушди футбол дар Ҷумҳурии Тоҷикистон барои солҳои 2022 - 2026» мусобиқаи варзишӣ аз рӯи намуди футболи хурд байни кормандони вазорату идораҳо, ташкилоту муассисаҳои ҷумҳуриявӣ ва корхонаҳои давлатию ғайридавлатӣ, ки аз моҳи феврали соли ҷорӣ оғоз гардида буд, ҷамъбаст карда шуд.
Маврид ба зикр аст, ки дар баробари дастаҳои дигар вазорату идораҳо тими футболбозони Агентӣ низ дар мусобиқи варзишии болозикр ширкат варзида, сазовори ҷойи аввал гардидаанд.
Ёддовар мешавем, ки ҳадаф аз баргузории чунин мусобиқаҳо ин пеш аз ҳама таҳкими тарзи ҳаёти солим, оммавияти варзиш ва мустаҳкам намудани дӯстию рафоқат байни кормандони вазорату идораҳо ва ташкилоту муассисаҳои кишвар арзёбӣ мегардад.
Чоп намудан
.
21 июни соли 2024 дар толори маҷлисгоҳи раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳри Душанбе бо иштироки нависандаи халқии Тоҷикистон Ато Ҳамдам бахшида ба “Соли маърифати ҳуқуқӣ” ва Рӯзи Ваҳдати миллӣ ҷамъомади идона баргузор гардид.
Чорабиниро роҳбарияти раёсати Агентӣ дар шаҳри Душанбе оғоз карда, зикр шуд, ки бо ташаббуси Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2024 дар мамлакат ҳамчун “Соли маърифати ҳуқуқӣ” эълон гардида, мақсади асосии он аз баланд бардоштани сатҳи маърифати ҳуқуқии шаҳрвандон, тарғиби арзишҳои демократӣ, мустаҳкам намудани институти ҳуқуқи инсон ва муносибати эҳтиромона ба ҳар як шаҳрванди Ҷумҳурии Тоҷикистон иборат мебошад.
Сипас нависандаи халқии Тоҷикистон Ато Ҳамдам дар мавзӯи “Сулҳи деринтизори тоҷик” баромад карда, қайд намуданд, ки 27-уми июни соли 1997 бо имзои Созишномаи умумии истиқрори сулҳ ва ризоияти миллӣ дар Тоҷикистон марҳилаи ниҳоят ноороми даврони истиқлоли кишвар паси сар монда, саҳифаи тозаи таърихи навини давлатдории тоҷикон оғоз гардид. Таъкид карда шуд, ки таҷлили санаи мазкур барои мардуми мамлакат ҳамчун рамзи иттиҳоду сарҷамъӣ ва илҳомбахши кору пайкори фарзандони содиқу вафодори Ватан ба хотири пойдории дастовардҳои истиқлолият ба ҳисоб меравад.
Дар идома кормандони раёсати Агентӣ дар шаҳри Душанбе доир ба мавзӯи ҷамъомад маърӯза карда, нақши Ваҳдати миллиро дар таъмини сулҳу субот дар кишвар муҳим арзёбӣ намуданд.
Дар маҷмӯъ чорабинӣ дар фазои руҳияи ватандӯстӣ сурат гирифта, умед аст, ки натиҷаҳои он ҷиҳати баланд бардоштани ҳисси миллӣ ва савияи донишу фарҳанги ҳуқуқии кормандон таъсири мусбии худро мерасонад.
Чоп намудан
.
Санаҳои 24 - 29 майи соли 2024 дар ҳошияи таҷлили «Рӯзи ҷаҳонии футбол» миёни кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон мусобиқа дар намудани «Футболи хурд» баргузор гардида, санаи 30 майи соли 2024 аз ҷамъбастии он натиҷагирӣ карда шуд.
Чорабиниро директори Агентӣ Султонзода С.С. ифтитоҳ намуда, роҷеъ ба аҳамияти ташкилу баргузории чунин мусобиќаҳо ибрози андеша карда, муҳимият ва саривақтии ташаббуси Президенти Ассотсиатсияи футболи Осиёи Марказӣ (CAFA), раиси Федератсияи футболи Тоҷикистон муҳтарам Рустам Эмомалӣ ҷиҳати таҷлил гардидани «Рӯзи ҷаҳонии футбол» ва дар ин замина қабул гаштани қатъномаи Созмони Миллали Муттаҳидро зикр намуданд.
Чорабинӣ дар шароити тантанавӣ баргузор гардида, дар фарҷоми он ғолибони мусобиқа аз тарафи роҳбарияти мақомот бо тўҳфаҳои хотиравӣ қадрдонӣ карда шуданд.
Маркази матбуоти Агентӣ
Чоп намудан
.
Санаи 24 майи соли 2024 дар ҳошияи таҷлили “Рӯзи ҷаҳонии футбол”, ки бо ташаббус ва пешниҳоди Президенти Ассотсиатсияи Футболи Осиёи Марказӣ (CAFA) ва Президенти Федератсияи футболи Тољикистон - муҳтарам Рустами Эмомалӣ тавассути қатъномаи махсуси Маҷмааи умумии СММ №A/RES/78/281 қабул карда шудааст, мусобиқаи “Футболи хурд” миёни кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон баргузор гардид.
Нахуст чорабиниро муовини директори Агентӣ Камолзода Ф.А. ҳусни оғоз бахшида, роҷеъ ба ташаббуси созанда ва саривақтии муҳтарам Рустами Эмомалӣ ҷиҳати эълон намудани 25 май ҳамчун “Рӯзи байналмиалии футбол” ва пазируфта шудани ин ташаббус аз ҷониби СММ суханронӣ намуданд.
Дар идомаи чорабинӣ қайд гардид, ки футбол яке аз намудҳои машҳуртарини варзиш ба ҳисоб рафта, асоси пойдории дӯстӣ ва сулҳу субот дар байни халқу миллатҳои мухталифи дунё дониста шуда, дар ташаккули тарзи ҳаёти солими ҳар як нафар нақши муҳимро мебозад.
Маркази матбуоти Агентӣ
Чоп намудан
.
Санаи 23 майи соли 2024 дар ҳошияи эълон гардидани соли 2024 ҳамчун “Соли маърифати ҳуқуқӣ” ва таҷлили “Рӯзи ҷавонони Тоҷикистон” дар толори маҷлисгоҳи Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки масъулини Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва устодону донишҷӯёни муассисаҳои таҳсилоти олии кишвар Ҳамоиши ҷавонон дар мавзӯи “Баланд бардоштани маърифати ҳуқуқии ҷавонон - омили рушди босуботи ҷомеа” баргузор гардид.
Чорабиниро роҳбарияти Агентӣ ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҳусни оғоз бахшида, вобаста ба нақши ҷавонони кишвар дар татбиқи сиёсати зиддикоррупсионӣ ва муқовимати онҳо ба зуҳуроти коррупсия суханронӣ намуданд.
Дар идомаи чорабинӣ устодон ва масъулони Академияи идоракунии давлатии назди Президенти Ҷумҳурии Тоҷикистон, Донишгоҳи миллии Тоҷикистон, Донишгоҳи давлатии молия ва иқтисоди Тоҷикистон ва Донишгоҳи давлатии тиҷоратии Тоҷикистон вобаста ба масъалаи нақши ҷавонон дар пешрафт ва идоракунии кишвар, аҳамияти асарҳои Пешвои миллат дар тарбияи ҷавонон ва дигар масъалаҳои мубрами рӯз ибрози андеша карданд.
Дар фарҷоми ҳамоиш барои меҳнати софдилона ва ноил гаштан ба натиҷаҳои назаррас, як қатор ҷавонони Агентӣ бо сипосномаҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҳавасманд гардонида шуданд.
Маркази матбуоти Агентӣ
Чоп намудан
.
Санаи 21 марти соли 2024 дар бинои Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки роҳбарият ва ҳайати васеи кормандон ба ифтихори “Иди байналмилалии Наврӯз” чорабинии идона баргузор гардид.
Дар чорабинии мазкур кормандони воҳидҳои марказӣ ва маҳалию минтақавии. Агентӣ дастархони идона ороста, дар он тамоми унсурҳои анъанаи наврӯзиро инъикос намуданд, ки воқеан аз қадима ва бошукӯҳ будани ин ҷашни бузург мужда медиҳад.
Сипас дар идомаи чорабинӣ бо иштироки роҳбарият ва ҳайати васеи кормандон бахшида ба ин ҷашни фархунда ҷаласаи тантанавӣ барпо гардида, зимни он директори Агентӣ Султонзода Сулаймон Саид ҳозиринро ба муносибати ҷашни эҳёи табиат, ибтидои пешомадҳои нав, оғози ниятҳои баҳорӣ ва нақшаву тадбирҳои тоза табрик гуфта, ба онҳо саломатӣ, бурдборӣ, барору комёбӣ ва тамоми хушиҳои зиндагиро таманно намуданд.
Ҳамзамон, дар идомаи чорабинӣ табрикоти як қатор кормандони мақомот ироа шуда, ғолибони мусобиқаи варзишӣ дар намуди “Футболи хурд” миёни кормандони Агенти бо тӯҳфаҳои хотирмон сарфароз гардонида шуданд.
Маркази матбуоти Агентӣ.
Чоп намудан
.
7 марти соли 2024 дар толори маҷлисгоҳи бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки роҳбарият ва ҳайати васеи кормандон бахшида ба таҷлили “8 март – Рӯзи Модар” ҷамъомади тантанавӣ баргузор гардид.
Чорабиниро директори Агентӣ - Султонзода Сулаймон Саид ҳусни оғоз бахшида, ҳозиринро бо ин ҷашни фархунда табрику муборакбод намуда, ба ҳамаи модарону бонувони Агентӣ тансиҳативу рӯзгори обод, файзу баракат ва бурдборӣ дар фаъолияти минбаъдаашон таманно доштанд.
Зимнан роҳбарияти Агентӣ таъкид намуданд, ки Ҳукумати Ҷумҳурии Тоҷикистон барои баланд бардоштани мақоми занон дар ҷомеа ҳамеша тадбирҳои зарурӣ роҳандозӣ намуда, ҷиҳати таъмини фазои озод барои иштироки занон дар идоракунӣ шароити мусоид фароҳам овардааст. Ин аст, ки занону бонувон дар Тоҷикистони соҳибистиқлол мақому мартабаи худро дошта, ба онҳо ҳамчун олиҳаи ҳусни зиндагӣ эҳтироми хоса ба ҷо оварда мешавад.
Дар маҷӯъ чорабинӣ дар фазои тантанавӣ гузашта, дар рафти он кормандони мақомот бонувонро бо ин ҷашни фархунда табрику муборакбод намуданд.
Маркази матбуоти Агентӣ.
Чоп намудан
