Иштироки кормандони Агентӣ дар Дави миллӣ

 Имрӯз соҳаи варзиш дар меҳвари сиёсати Асосгузори сулҳу ваҳдати миллӣ, Пешвои миллат - Президенти Ҷумҳурии Тоҷикистон, муҳтарам Эмомалӣ Раҳмон қарор гирифта, нисбат ба варзишгарон дастгирию ғамхориҳо пайваста зоҳир карда мешавад.

 

 Ҳамасола якшанбеи сеюми моҳи май барои тарғиби тарзи ҳаёти солим дар Ҷумҳурии Тоҷикистон Дави миллӣ баргузор мегардад.

 

 Чорабинии мазкур, ки бо иштироки доираи васеи шаҳрвандон сурат мегирад, баёнгари он аст, ки варзиш рӯз ба рӯз дар Тоҷикистони соҳибистиқлол рушду инкишоф ёфта, қисмати асосии аҳолии мамлакат рӯй ба он оварданд.

 

 Кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар қатори намояндагони дигар вазорату идораҳо, ташкилоту муассисаҳо ва мардуми кишвар сиёсати пешгирифтаи Пешвои муаззами миллатро ҷонибдорӣ намуда, ҳамасола дар ин чорабинӣ фаъолона ширкат варзида азму иродаи хешро ҷиҳати ташаккули тарзи ҳаёти солим иброз менамоянд.  

 

 Боиси хушнудист, ки дар шароити имрӯзаи рушд варзиш машғулияти асосии мардум, бахусус наврасону ҷавонон гардида, дар ин замина варзишгарони тоҷик дар мусобиқаҳои сатҳи байналмилалӣ Парчами миллии кишварро баланд мебардоранд.

 

 Маркази матбуоти Агентӣ

Чоп намудан

Таҷлили «Иди байналмилалии Наврӯз»

 Санаи 19 марти соли 2022 дар толори маҷлисгоҳи Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки роҳбарият ва ҳайати васеи кормандон ба ифтихори “Иди байналмилалии Наврӯз” ҷамъомади тантанавӣ баргузор гардид.

 

 Нахуст ҷамъомадро директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, генерал-лейтенанти адлия Султонзода Сулаймон Саид ҳусни оғоз бахшида, ҳозиринро ба муносибати “Иди байналмилалии Наврӯз”, ҷашни эҳёи табиат, ибтидои пешомадҳои нав, оғози ниятҳои баҳорӣ ва нақшаву тадбирҳои тоза табрик гуфта, ба онҳо саломатӣ, бурдборӣ, барору комёбӣ ва тамоми хушиҳои зиндагиро таманно намуданд.

Маълумоти бештар

Чоп намудан

Ҷамъомади тантанавӣ ба ифтихори таҷлили Рӯзи Модар

 5 марти соли 2022 дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки ҳайати васеи кормандон, аз ҷумла бонувон, ба муносибати таҷлили “Рӯзи Модар” ҷамъомади тантанавӣ баргузор гардид.

 

 Нахуст чорабиниро директори Агентӣ генерал-лейтенанти адлия

Маълумоти бештар

Чоп намудан

Ҷаласаи тантанавӣ ба ифтихори “Рӯзи Қувваҳои Мусаллаҳи Ҷумҳурии Тоҷикистон”

  Имрӯз дар толори маҷлисгоҳи бинои Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки ҳайати васеи кормандон ба муносибати 29 – умин солгарди рӯзи таъсисёбии Қувваҳои Мусаллаҳи Ҷумҳурии Тоҷикистон ҷамъомади тантанавӣ баргузор гардид.

 

   Нахуст Директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, генерал-лейтенанти адлия муҳтарам Султонзода Сулаймон Саид ба ин муносибат тамоми ҳайати шахсии мақомотро самимона табрик гуфта, ба онҳо саломатӣ, иқболу саодат, файзу баракат ва ба Тоҷикистони азиз пешравию ободиҳо таманно намуданд.

 

Маълумоти бештар

Чоп намудан

23 феврал - Рӯзи Қувваҳои Мусаллаҳи Ҷумҳурии Тоҷикистон

  23 феврали соли ҷорӣ аз таъсисёбии Қувваҳои Мусаллаҳи Ҷумҳурии Тоҷикистон 29 сол пур мешавад. Баъд аз пош хӯрдани Иттиҳоди Шӯравӣ Тоҷикистон яке аз аввалин давлатҳое буд, ки Артиши миллии худро таъсис дода, дар роҳи таъмини оромию осудагӣ ва амнияти кишвар ҷидду ҷаҳд намуд.

        

  Оинаи таърих гувоҳи он аст, ки Артиши миллии кишвар соли 1993 бо талошҳои бевоситаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи Ҷумҳурии Тоҷикистон, муҳтарам Эмомалӣ Раҳмон дар шароити мушкил ва ҳасос таъсис ёфта, марҳилаҳои ниҳоят вазнинро тай кардааст. Артиши миллии мо баръакси дигар ҷумҳуриҳои собиқ Иттиҳоди Шӯравӣ, ки дар он давра аллакай аслиҳаву техникаи ҳарбӣ ва дигар заминаҳои моддиву техникиро ҳамчун мерос соҳиб шуда буданд, бидуни мавҷудияти кадрҳои тахассусӣ, бе таҳкурсӣ ва пойгоҳи аввалия ташкил карда шуда, Ҳукумати мамлакатро зарур буд, корро дар ҷойи холӣ оғоз намояд.

Маълумоти бештар

Чоп намудан

Омӯзиши Паёми навбатии Президенти Ҷумҳурии Тоҷикистон ба Маҷлиси Олӣ

  Имрӯз дар дар толори маҷлисгоҳи Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки роҳбарият ва ҳайати кормандон омӯзиши Паёми навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар бораи самтҳои асосии сиёсати дохилӣ ва хориҷии кишвар баргузор гардид.

 

  Кормандони Агентӣ бо маърӯзаҳои пурмазмуну пурмуҳтаво баромад намуда, иброз намуданд, ки Паёми Президенти Ҷумҳурии Тоҷикистон ҳамчун ҳуҷҷати муҳими барномавӣ, сиёсию ҳуқуқӣ, иқтисодию иҷтимоӣ ва фарҳангӣ шинохта шуда, ифодакунандаи нуқтаи назари Сарвари давлат ба рушду таҳкими соҳаҳои гуногуни хоҷагии халқи мамлакат арзёбӣ мегардад.

Маълумоти бештар

Чоп намудан

Анҷомёбии раисии Агентӣ дар Шӯрои ҳамоҳангсозии роҳбарони мақомоти тафтиши молиявии (КСОНР) давлатҳои аъзои Иттиҳоди Давлатҳои Мустақил

  Дар асоси қарорҳои ҷаласаи ХХ Шӯрои ҳамоҳангсозии роҳбарони мақомоти тафтиши молиявии (КСОНР) давлатҳои аъзои Иттиҳоди Давлатҳои Мустақил аз моҳи августи соли 2019 Ҷумҳурии Тоҷикистон дар симои Агентии назорати давлатии молиявӣ ва мубориза бо коррупсияи Ҷумҳурии Тоҷикистон Раисикунандаи Шӯрои ҳамоҳангсозии роҳбарони мақомоти тафтиши молиявии (КСОНР) давлатҳои аъзои Иттиҳоди Давлатҳои Мустақил интихоб гардида буд.

 

  Боиси сарфарозист, ки дар доираи қарорҳои Шӯрои болозикр аз ҷониби кормандони Агентӣ  бо ҳисси баланди масъулиятшиносӣ як қатор чорабиниҳои судманд роҳандозӣ гардида, аз тарафи давлатҳои аъзо фаъолият дар ин самт самаранок арзёбӣ гардид.

 

  13 январи соли ҷорӣ дар асоси Қарорҳои навбатии Шӯрои ҳамоҳангсозии роҳбарони мақомоти тафтиши молиявии (КСОНР) давлатҳои аъзои Иттиҳоди Давлатҳои Мустақил Ҷумҳурии Озарбойҷон раисикунандаи Шӯрои зикршуда интихоб гардида, Агентӣ ба сифати ҳамраисикунанда эътироф карда шуд.

Маълумоти бештар

Чоп намудан

10 январ- «Рӯзи кормандони мақомоти назорати давлатии молиявӣ ва мубориза бо коррупсия»

     Ташкилу фароҳам овардани заминаҳои ҳуқуқӣ ва татбиқи амалии муқовимат ба коррупсия дар мамлакат ба монанди муборизаи дастаҷамъона бар зидди терроризму экстремизм, гардиши ғайриқонунии маводи мухаддир ва дигар ҷинояткорӣ аз иродаи сиёсӣ ва ташаббусҳои созандаву бунёдкоронаи Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сарчашма мегирад.

   Бо мақсади вусъат бахшидани низоми мубориза бар зидди ҳуқуқвайронкуниҳо ва ҷиноятҳои хусусияти коррупсионидошта, бартараф намудани такроркунии функсияву ваколатҳои мақомоти идоракунии давлатӣ ва таъмини шаффофияти фаъолияти назоратӣ бо иқдоми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 10 январи соли 2007 Агентии назорати давлатии молиявӣ ва мубориза бо коррупсияи Ҷумҳурии Тоҷикистон чун мақомоти махсусгардонидашуда таъсис дода шуд, ки вазифаҳои асосии он  аз назорати давлатии молиявӣ, пешгирӣ, барҳам додан ва ошкор намудани ҳуқуқвайронкуниҳои коррупсионӣ, таҳқиқи ибтидоӣ, тафтиши ҷиноятҳои коррупсионӣ ва амалӣ намудани маҷмуи тадбирҳои сиёсати давлатии зиддикоррупсионӣ иборат мебошад.

Маълумоти бештар

Чоп намудан


Ҷустуҷӯ