Ҷаласаи тантанавӣ бахшида ба «Рӯзи Ваҳдати миллӣ»

24 июни соли 2023 дар толори маҷлисгоҳи бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки ҳайати васеи кормандон бахшида ба таҷлили «Рӯзи Ваҳдати миллӣ» ҷамъомади тантанавӣ баргузор гардид.

 

Нахуст дар чорабинӣ директори Агентӣ, генерал-лейтенанти адлия Султонзода Сулаймон Саид баромад намуда, бо шукургузорӣ аз фазои сулҳу субот ва ҳамдигарфаҳмии миллӣ ба хонадони тамоми мардуми шарафманди Тоҷикистон осоишу оромӣ, хушбахтиву сарбаландӣ ва саодати доимии рӯзгорро таманно намуданд.

 

Қайд гардид, ки ба имзо расонидани Созишномаи истиқрори сулҳ ва ризоияти миллӣ дар Тоҷикистон, ки минбаъд тамоми дастовардҳои Ватани азизамон, аз қабили эҳё ва ягонагии кишвар, мустаҳкам ва ҳимоя намудани манфиатҳои давлатӣ дар фазои геополитикӣ, рушди маънавӣ, ҳисси ватанпарастии мардум ва дигар арзишҳои умумимиллиро таҳким бахшид, намунаи олии хизматҳои шоиста ва арзандаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои миллату давлати тоҷикон мебошад.

Ба шарофати ин падидаи нек Тоҷикистони азиз рушд карда, миллати тоҷик ба ҳадафҳои пешгузоштаи худ дастёб гардид ва дар партави ваҳдату якдилӣ тамоми соҳаҳо ташаккул ёфт.

 

Дар идомаи чорабинӣ бо назардошти натиҷаҳои назаррасӣ корӣ ва намунавор иҷро намудани вазифаҳои хизматӣ аз ҷониби роҳбарияти Агентӣ як қатор кормандон ба рутбаҳои махсуси навбатӣ ҳавасманд гардонида шуданд.

 

Ҳамзамон бахшида ба ин санаи фархунда аз 13 то 20 июни соли ҷорӣ мусобиқаи варзишӣ дар намудани “Футболи хурд” байни кормандони Агентӣ доир гардида, ба ғолибони ин мусобиқа ҷом ва медалу ифтихорномаҳо тақдим карда шуд.

 

Маркази матбуоти Агентӣ.

 

 

Чоп намудан

Оғози мусобиқаи варзишӣ дар намудани “Футболи хурд” миёни кормандони Агентӣ

«Дар вокеъ, варзиш дар ҳама давру замонҳо барои инсоният ахамияти хосса дошт ва он яке аз омилҳои муҳими ташаккули шахсияти солими чомеа аст. Варзиш қисми муҳими фарҳанги умумибашарӣ ва қосиди сулҳу амонӣ буда, ба таҳкими саломатӣ, рушди ҳамаҷонибаи қобилияти ҷисмонии инсон мусоидат мекунад, инчунин, пайвандгари муносибатҳои дӯстӣ, ҳамдилӣ ва ошноии мардумони гуногуни олам мебошад».

 

Асосгузори сулҳу ваҳдати миллӣ-Пешвои миллат, Президенти

Ҷумҳурии Тоҷикистон, муҳтарам Эмомалӣ Раҳмон

 

Рушди варзиш ва тарбияи ҷисмонӣ дар даврони Истиқлолияти давлатӣ дар қатори дигар соҳаҳо яке аз самтҳои афзалиятноки сиёсати иҷтимоии Ҳукумати мамлакат ба ҳисоб рафта, ба хотири оммавигардонии варзиш, таблиғи тарзи ҳаёти солим ва тарбияи варзишгарони касбии тоҷик заминаи мусоид фароҳам оварда шудааст.

 

Зеро варзиш ва тарбияи ҷисмонӣ бахши таркибии маҷмӯи маданият ва як соҳаи фаъолияти иҷтимоӣ буда, бахусус дар фаъолияти кормандони мақомоти ҳифзи ҳуқуқ ҳамчун омили муҳими тарбияи ҷисму рӯҳи солим, мактаби муҳими ҷаҳонфаҳмӣ ва ташвиқи арзишҳои олии инсонӣ маҳсуб меёбад.

 

Бо мақсади оммавигардонии варзиш, ташвиқу тарғиби тарзи ҳаёти солим ва устувор намудани дӯстиву робитаҳои варзишӣ имрӯз дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон бахшида ба 26-солагии Ваҳдати миллӣ мусобиқаи варзишӣ дар намуди “Футболи хурд” оғоз гардид.

 

Мусобиқа миёни кормандони воҳидҳои сохтории Агентӣ доир гардида, он то 20 июни соли 2023 идома меёбад.

 

Маркази матбуоти Агентӣ.

Чоп намудан

Ҳамоиши ҷавонон таҳти унвони “Баланд бардоштани маърифати ҳуқуқии ҷавонон - омили рушди босуботи ҷомеа”

24 майи соли 2023 дар ҳошияи таҷлили Рӯзи ҷавонони Тоҷикистон дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки намояндагони Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва устодону донишҷӯёни муассисаҳои олии кишвар Ҳамоиши ҷавонон дар мавзӯи “Баланд бардоштани маърифати ҳуқуқии ҷавонон омили рушди босуботи ҷомеа” баргузор шуд.

 

Нахуст ҳамоиш аз муаррифии фаъолияти Агентӣ оғоз гардида, зимнан масъулини Агентӣ оид ба саҳми ҷавонон дар роҳи муқовимат ба коррупсия суханронӣ намуданд.

 

Дар идома маърузачиён доир ба дастовардҳои ҷавонон дар замони соҳибистиқлолии мамлакат, пешгирии шомилшавии онҳо ба ҳизбу ҳаракатҳои террористиву экстремистӣ ва дигар мавзӯъҳои мубрам баромад карда, аз ҳозирин даъват ба амал оварданд, ки бо шукргузорӣ аз фазои сулҳу субот ва якпорчагии Ватан баҳри пешрафту шукуфоӣ, ободӣ ва ояндаи дурахшони Тоҷикистон саҳми арзандаи хешро гузошта, мояи ифтихори наслҳои оянда бошанд.

 

Дар фарҷом барои меҳнати софдилона ва ноил гардидан ба натиҷаҳои назаррас як қатор ҷавонони Агентӣ бо сипосномаҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҳавасманд гардонида шуданд.

 

Маркази матбуоти Агентӣ

Чоп намудан

Иштироки кормандони Агентӣ дар Дави миллӣ

Имрӯз соҳаи варзиш дар меҳвари асосии сиёсати Асосгузори сулҳу ваҳдати миллӣ, Пешвои миллат - Президенти Ҷумҳурии Тоҷикистон, муҳтарам Эмомалӣ Раҳмон қарор гирифта, нисбат ба варзишгарон дастгирию ғамхориҳои пайваста зоҳир карда мешавад.

 

Ҳамасола якшанбеи сеюми моҳи май барои тарғиби тарзи ҳаёти солим дар Ҷумҳурии Тоҷикистон Дави миллӣ баргузор мегардад.

 

Чорабинии мазкур бо иштироки доираи васеи шаҳрвандон сурат гирифта, баёнгари он аст, ки варзиш рӯз то рӯз дар Тоҷикистони соҳибистиқлол рушду инкишоф ёфта, қисмати асосии аҳолии мамлакат рӯ ба он оварданд.

 

Кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар қатори намояндагони дигар вазорату идораҳо, ташкилоту муассисаҳо ва мардуми кишвар бо ҷонибдорӣ аз сиёсати пешгирифтаи Пешвои муаззами миллат ҳамасола дар ин чорабинӣ фаъолона ширкат варзида, азму иродаи хешро ҷиҳати ташаккули тарзи ҳаёти солим иброз менамоянд.

 

Боиси хушнудист, ки дар шароити имрӯза рушди варзиш машғулияти асосии мардум, бахусус наврасону ҷавонон гардида, дар ин замина варзишгарони тоҷик дар мусобиқаҳои сатҳи байналмилалӣ Парчами миллии кишварро баланд мебардоранд.

 

Маркази матбуоти Агентӣ

 

 

Чоп намудан

Иштироки дастаи бонувони Агентӣ дар мусобиқаи кушоди варзишӣ оид ба волейбол

 Тибқи қарори Раиси шаҳри Душанбе аз 20 феврали соли 2023, №60 бо мақсади тарғиб ва рушду равнақи варзиши намуди волейбол байни бонувон аз 04 то 20 марти соли 2023 мусобиқаи кушоди варзишӣ оид ба волейболи касбӣ ва ғайрикасбӣ байни вазорату идораҳо ва ташкилоту муассисаҳо барои дарёфти «Ҷоми Раиси шаҳри Душанбе» бахшида ба «Рӯзи Модар» баргузор гардид.

 

 Мусобиқаи мазкур ҳамасола садҳо бонувони вазорату идораҳо ва дигар корхонаҳоро ба ҳам ҷамъ оварда, дар натиҷаи нишон додани маҳорату малакаи варзишӣ ғолибон муайян мегарданд. 

 

 Маврид ба зикр аст, ки дар мусобиқаи варзишии мазкур дар баробари дигар вазорату идораҳо ва ташкилоту муассисаҳо дастаи бонувони Агентии назорати давлатии молиявӣ ва мубориза бо корруспияи Ҷумҳурии Тоҷикистон низ иштирок намуданд.

Маълумоти бештар

Чоп намудан

Таҷлили «Иди байналмилалии Наврӯз»

 Санаи 19 марти соли 2023 дар бинои Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки роҳбарият ва ҳайати васеи кормандон ба ифтихори “Иди байналмилалии Наврӯз” ҷамъомади тантанавӣ баргузор гардид.

 

 Нахуст ҷамъомадро директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, генерал-лейтенанти адлия Султонзода Сулаймон Саид ҳусни оғоз бахшида, ҳозиринро ба муносибати “Иди байналмилалии Наврӯз”, ҷашни эҳёи табиат, ибтидои пешомадҳои нав, оғози ниятҳои баҳорӣ ва нақшаву тадбирҳои тоза табрик гуфта, ба онҳо саломатӣ, бурдборӣ, барору комёбӣ ва тамоми хушиҳои зиндагиро таманно намуданд.

Маълумоти бештар

Чоп намудан

Ҷамъомади тантанавӣ ба ифтихори таҷлили “Рӯзи Модар”

 7 марти соли 2023 дар толори маҷлисгоҳи дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки ҳайати васеи кормандон, аз ҷумла бонувон, ба муносибати таҷлили “Рӯзи Модар” ҷамъомади тантанавӣ баргузор гардид.

       

 Нахуст чорабиниро директори Агентӣ генерал-лейтенанти адлия Султонзода Сулаймон Саид ҳусни оғоз бахшида, модарону хоҳарон ва бонувони арҷманди Агентии назорати давлатии молиявӣ ва мубориза бо коррупсияи Ҷумҳурии Тоҷикистонро ба муносибати Рӯзи Модар самимона муборакбод намуда, ба ҳар яки онҳо саломатӣ, бурдборӣ, барору комёбӣ ва тамоми хушиҳои зиндагиро таманно намуданд.

       

 Қайд гардид, ки модарони мо дар тӯли тамоми таърих тарбиятгари фарзандони нобиғаву хирадманд, солеҳу поктинат, бофазлу соҳибмаърифат, ватандӯсту ватанпарвар ва ҳунарманду созанда буда, ин рисолати муқаддасро имрӯз низ бо иффату шараф идома бахшида истодаанд.

        

 Мардуми кишвар, хусусан мо мардон ба азму ирода ва талоши ватанхоҳонаи модари тоҷик эҳтиром мегузорем, чунки зан - модар мушкилоти бисёр сахту сангини зиндагиро сарбаландона таҳаммул намуда, наслеро тарбия карда, ба воя расонидааст, ки созандагони асили имрӯзу фардои ин сарзамини муқаддас мебошанд.

       

 Аз ҷониби Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ҷашни расмӣ эълон гардидани Рӯзи Модар дар Ҷумҳурии Тоҷикистон шаҳодати мақому манзалати баланди модарону хоҳарон ва бонувони азиз дар ҷомеаи имрӯзаи мо мебошад.

       

 Мардуми кишвар ба азму ирода ва талоши ватанхоҳонаи модари тоҷик эҳтиром мегузоранд, чунки зан - модар мушкилоти бисёр сахту сангини зиндагиро сарбаландона таҳаммул намуда, наслеро тарбия карда, ба воя расонидааст, ки созандагони асили имрӯзу фардои ин сарзамини муқаддас мебошанд.

       

 Дар идома бахшида ба ин санаи фархунда як қатор кормандони Агентӣ баромад намуда, дар бораи мақому манзалати зан дар ҷомеа изҳори андешаронӣ намуданд. Дар як вақт тамоми бонувони Агентӣ аз ҷониби роҳбарияти мақомот бо туҳфаҳои хотирмон қадрдонӣ карда шуданд. 

 

 Маркази матбуоти Агентӣ.

Чоп намудан

Ҷаласаи тантанавӣ бахшида ба «Рӯзи кормандони мақомоти назорати давлатии молиявӣ ва мубориза бо коррупсия»

 10 январи соли 2022 дар толори маҷлисгоҳи бинои Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки ҳайати васеи кормандон бахшида ба таҷлили «Рӯзи кормандони мақомоти назорати давлатии молиявӣ ва мубориза бо коррупсия» ҷамъомади тантанавӣ баргузор гардид.

 

 Ҷаласаро директори Агентӣ - Султонзода Сулаймон Саид ифтитоҳ намуда, ҳозиринро бо «Иди касбӣ» табрик гуфтанд ва ба онҳо  дар ин рӯзи фархунда иқболу саодат, файзу баракат ва ба Тоҷикистони азиз пешравию ободиҳо таманно намуданд.

 

 Қайд гардид, ки тӯли 16 сол аст, ки ниҳоди мазкур дар татбиқи сиёсати зиддикоррупсионии Ҳукумати мамлакат ҳамчун субъекти асосии бо ин падидаи номатлуб муборизабаранда, ҷиҳати пешгирӣ ва ошкору бартараф намудани ҳуқуқвайронкуниҳои коррупсионӣ, сабабу шароитҳои барои содир намудани онҳо мусоидаткунанда ва ғанӣ гардонидани буҷети давлатӣ фаъолият анҷом дода истодааст.

 

 Имрӯз бо эътимоду боварӣ метавон гуфт, ки мақомот аз лиҳози заминаҳои зарурии ҳуқуқӣ, имконият, тавоноӣ, иқтидори касбию қобилияти тахассусӣ ва таъминоти моддию техникӣ ба ниҳоди комил ва ҳамаҷонибаи ҷавобгӯй ба талаботи амалисозии сиёсати давлат дар самти муқовимат ба коррупсия табдил ёфта, аз ӯҳдаи иҷрои вазифаву масъулияти ба зиммааш вогузоргардида бо сарбаландӣ баромада метавонад.

 

 Қобили тазаккур аст, ки мақомот ба ҳайси ниҳоди навтаъсис ҳамасола аз ҷониби Роҳбари давлат ва Ҳукумати Ҷумҳурии Тоҷикистон ҳамаҷониба дастгирӣ ёфта, хизматҳои кормандон  мунтазам қадрдонӣ карда мешаванд.

 

 Баъдан ба ҳозирин нуктаҳои асосии Паёми Президенти Ҷумҳурии Тоҷикистон муҳтарам Эмомалӣ Раҳмон, ки ҳамчун як ҳуҷҷати тақдирсозу стратегии ҳадафманд ва санади муҳимтарини ҳар як сол маҳсуб меёбад, бори дигар ҷиҳати таъмини иҷрои самараноки дастуру ҳидоятҳои созандаи Пешвои муаззами миллат баён гардид.

 

 Дар идомаи чорабинӣ мутахассисони ҷавоне, ки ба хизмат дар мақомоти Агентӣ қабул гардиданд, барои адои хизмати содиқона  ба халқу Ватан тантанавор савганд ёд карданд.

 

 Ҳамзамон бо назардошти натиҷаҳои назарраси корӣ ва намунавор иҷро намудани уҳдадориҳои хизматӣ аз ҷониби роҳбарияти Агентӣ як қатор кормандон бо рутбаҳои навбатӣ, медалҳои ҷашнӣ ва ифтихорномаву сипосномаҳо сарфароз гардонида шуданд.

 

  Маркази матбуоти Агентӣ.

Чоп намудан


Ҷустуҷӯ