Баргузории вохӯрии кормандони раёсати Агентӣ дар шаҳри Душанбе бо омўзгорон ва волидони хонандагони Гимназияи №74-и ноҳияи Фирдавсии шаҳри Душанбе

23 феврали соли 2024 бо ташаббуси раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳри Душанбе дар асоси нақшаи чорабиниҳои муштарак оид ба гузаронидани суҳбату вохӯриҳо бо сокинони ноҳияи Фирдавсии шаҳри Душанбе дар толори маҷлисгоҳи Гимназияи №74-и ноҳияи Фирдавсии шаҳри Душанбе вобаста ба шарҳу тавзеҳи Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии ҷумҳурӣ” бо иштироки омӯзгорон ва падару модарони хонандагони муассисаи мазкур вохӯрӣ баргузор гардид.

 

Чорабиниро муовини раиси ноҳияи Фирдавсии шаҳри Душанбе Шукурзода Саодат Нусратулло ҳусни оғоз бахшида, доир ба  “Соли маърифати ҳуқуқӣ” эълон гардидани соли 2024 ибрози андеша намуданд. 

 

Дар идомаи чорабинӣ аз ҷониби кормандони шуъбаи муқовимат ба коррупсияи раёсати Агентӣ дар шаҳри Душанбе оид ба муҳтавои Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар бораи самтҳои асосии сиёсати дохилӣ ва хориҷии мамлакат, пешгирии содиршавии ҷиноятҳои коррупсионӣ, нагаравидани ҷавонон ба ҳизбу ҳаракатҳои террористиву экстремистӣ, муомилоти ғайриқонунии маводҳои мухаддир, риояи талаботи қонунҳои Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” ва “Дар бораи масъулияти падару модар дар таълиму тарбияи фарзанд” суханронӣ карданд.

 

Ҳадаф аз баргузории чорабинӣ ин баланд бардоштани маърифати ҳуқуқии шаҳрвандон ба ҳисоб рафта, зимни он ба саволҳои иштирокчиён посухҳои мушаххас дода шуд.

 

Маркази матбуоти Агентӣ.

Чоп намудан E-mail

Мулоқоти корӣ байни намояндагони вазорату идораҳои кишвар ва коршиноси Барномаи рушди СММ

21 феврали соли 2024 дар бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон таҳти роҳбарии муовини якуми директори Агентӣ мулоқоти корӣ байни намояндагони вазорату идораҳои дахлдори кишвар ва коршиноси Барномаи рушди Созмони Милали Муттаҳид Иракли Кокетшвили ҷиҳати баррасии таклифу пешниҳод ва ташаббусҳо дар самти муқовимат ба коррупсия сурат гирифт.

 

Ба кори чорабинӣ муовини якуми директори Агентӣ ҳусни оғоз бахшида, ташрифи меҳмононро ба Агентӣ хайрамағдам гуфтанд ва сипас аз ҷониби коршиноси Барнома таҷрибаҳои пешқадам дар самти муқовимат ба коррупсия ба самъи иштирокчиён расонида шуд.

 

Дар мулоқот ҳолат ва дурнамои рушди ҳамкориҳои муштарак байни Агентӣ ва Барнома мавриди баррасӣ қарор дода шуда, дар ин замина таклифу пешниҳодҳо ҷиҳати ҳамоҳанг сохтани тадбирҳо ва ба роҳ мондани ҳамкории самарабахш дар самти мубориза бар зидди коррупсия дар кишвар манзур гардид.

 

Чорабинӣ ҳамчун маҳаки тақвиятдиҳандаи муносибатҳои мутақобилаи судманд маҳсуб дониста шуда, ҷонибҳо омодагии худро барои тақвияти ҳамкориҳо дар ин самт иброз намуданд.

 

Маркази  матбуоти Агентӣ!

Чоп намудан E-mail

Баргузории вохӯрӣ бо намояндагони “Ассотсиатсияи блоггерони Тоҷикистон”

20 феврали соли 2024 дар бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо мақсади тақвият бахшидани фаъолияти мақомот дар самти робита бо ҷомеа бо намояндагони “Ассотсиатсияи блогерони Тоҷикистон” вохӯрӣ баргузор гардид.

 

Зимни мулоқот қайд карда шуд, ки яке аз чораҳои муосири пешгирии коррупсия ин тарғибу ташвиқ ва таълиму тарбияи зиддикоррупсионӣ ба ҳисоб рафта, ҳамкорӣ бо васоити ахбори омма тақозои замон мебошад ва иттилоотонии шаҳрвандон, гузаронидани корҳои таблиғотиву ташвиқотӣ, пешгирии содиркунии ҷиноятҳо, хусусан ҷиноятҳои ба коррупсия алоқаманд тариқи шабакаҳои иҷтимоии интернетӣ ба мақсад мувофиқ арзёбӣ мегардад.

Дар ин раванд ҷонибҳо муколамаи судманд анҷом дода, таклифу пешниҳодҳои худро ҷиҳати андешидани тадбирҳо дар самти муқовимат ба коррупсия ироа намуда, барои роҳандозӣ кардани ҳамкории муфид ба мувофиқа расиданд.

 

Маркази матбуоти Агентӣ!

Чоп намудан E-mail

Вохӯрии директори Агентӣ бо роҳбари Дафтари Ҳамоҳангсози Доимии Созмони Милали Муттаҳид дар Тоҷикистон

31 январи соли 2024 дар бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон вохӯрии директори Агентӣ Султонзода Сулаймон Саид бо роҳбари Дафтари Ҳамоҳангсози Доимии Созмони Милали Муттаҳид дар Тоҷикистон хонум Кавилмадам Рамасвами Парвати баргузор гардид.

 

Зимни мулоқот қайд карда шуд, ки баъди ба даст овардани истиқлолияти давлатӣ бо ташаббус ва дастгирии Созмони Миллали Муттаҳид ва намояндагиҳои он дар Ҷумҳурии Тоҷикистон лоиҳаҳо ва барномаҳои зиёд ҷиҳати рушди соҳаҳои иқтисодӣ, иҷтимоӣ, фарҳангӣ ва дигар самтҳои афзалиятнок амалӣ гардонида шуда, нақши ин Созмон дар инкишофи иқтисодиёти ҷумҳурӣ муҳим арзёбӣ мегардад.

 

Ҷонибҳо доир ба ҳолат ва дурнамои рушди ҳамкориҳои муштарак байни Агентӣ ва Дафтари Ҳамоҳангсози Доимии Созмони Милали Муттаҳид дар Тоҷикистон муколамаи судманд анҷом дода, дар ин замина таклифу пешниҳодҳо ҷиҳати андешидани тадбирҳои иловагӣ дар самти муқовимат ба коррупсия ироа карда шуданд.

 

Вохӯрӣ бо роҳбари Дафтари ҳамоҳангсози доимии Созмони Милали Муттаҳид дар Тоҷикистон хонум Кавилмадам Рамасвами Парвати дар фазои дӯстӣ ва ҳусни тафоҳум сурат гирифта, он барои густариши ҳамкориҳои минбаъда заминаи мусоид фароҳам хоҳад овард.

 

Маркази матбуоти Агентӣ.

Чоп намудан E-mail

Баргузории мизи мудаввар ҷиҳати таъмини иҷрои саволномаҳои даври 5-уми мониторинги Нақшаи амалҳои Истамбулии Шабакаи зиддикоррупсионии Созмони Ҳамкории Иқтисодӣ ва Рушд

Аз 22 то 26 январи соли ҷорӣ дар бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки аъзоёни гурӯҳи кории байниидоравӣ ва намояндагони ниҳодҳои масъули кишвар мизи мудаввар баргузор гардида, дар доираи он ба саволномаи даври 5-уми мониторинги Нақшаи амалҳои Истамбулии Шабакаи зиддикоррупсионии Созмони Ҳамкории Иқтисодӣ ва Рушд вобаста ба 9 самти баҳодиҳӣ, аз ҷумла сиёсати зиддикоррупсионӣ, бархӯрди манфиатҳо ва эъломиякунонии даромадҳо, ҳимояи хабаррасонҳо ва ғайраҳо ҷавобҳои мушаххас таҳия карда шуд.

 

Ҷумҳурии Тоҷикистон соли 2003 Нақшаи амалҳои Истамбулии Шабакаро пазируфта, оғоз аз соли 2004 то инҷониб вобаста ба иҷрои тавсияҳои он ҳисоботҳои даврӣ ва фосилавии худро пешниҳод менамояд.

 

Тибқи барномаи кории Шабака дар назар аст, ки коршиносони он моҳҳои март - апрели соли ҷорӣ ба Ҷумҳурии Тоҷикистон ташриф оварда, бо иштироки масъулини вазорату идораҳои дахлдор раванди амалӣ намудани тавсияҳои пешниҳоднамудаи худро мавриди арзёбӣ қарор хоҳанд дод.

 

Маркази матбуоти Агентӣ

Чоп намудан E-mail

Баргузории конфронси маҷозӣ бо намояндагони Департаменти мубориза бо ҷиноятҳои иқтисодии назди Прокуратураи генералии Ҷумҳурии Ӯзбекистон

19 январи соли 2024 дар бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки як қатор кормандон конфронси маҷозӣ бо намояндагони Департаменти мубориза бо ҷиноятҳои иқтисодии назди Прокуратураи генералии Ҷумҳурии Ӯзбекистон баргузор гардид.

 

Конфронс дар доираи Нақша чорабиниҳои амалисозии “Созишномаи ҳамкорӣ байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Департаменти мубориза бо ҷиноятҳои иқтисодии назди Прокуратураи генералии Ҷумҳурии Ӯзбекистон” баргузор гардида, дар рафти он масъалаҳои таҷрибаи пешқадам дар самти назорати амалишавии хариди давлатӣ ва пешгирии муомилоти ғайриқонунии крипто-асъор мавриди муҳокима қарор гирифта, иштирокчиён доир ба мавзӯъҳои зикршуда ибрози андеша намуданд.

 

Баргузории чорабинии мазкур барои ба роҳ мондани табодули таҷриба ва вусъат бахшидани ҳамкории Агентӣ бо Департаменти мубориза бо ҷиноятҳои иқтисодии назди Прокуратураи генералии Ҷумҳурии Ӯзбекистон дар самти мубориза бо ҷиноятҳои иқтисодӣ ва коррупсионӣ заминаи мусоид фароҳам овард.  

 

Маркази матбуоти Агентӣ

Чоп намудан E-mail

Семинари омӯзишӣ бо иштироки донишҷӯён ва омӯзгорони Донишгоҳи аграрии Тоҷикистон ба номи Ш.Шотемур

18 январи соли 2024 дар толори маҷлисгоҳи Донишгоҳи аграрии Тоҷикистон ба номи Ш. Шотемур бо ташаббуси Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳри Душанбе вобаста ба мавзӯи “Баланд бардоштани маърифати ҳуқуқии кормандони соҳаи маориф” семинари илмӣ-амалӣ баргузор гардид.

 

Чорабинии мазкурро муовини аввали ректори донишгоҳ, номзади илмҳои иқтисодӣ Бобозода Ш.Қ. ҳусни оғоз бахшида, вобаста ба оқибатҳои хисороти ин падидади манфӣ ба амнияти иқтисодии кишвар ва самтҳои мухталифи сиёсати зиддикоррупсионии Ҷумҳурии Тоҷикистон ибрози андеша намуд. Дар идомаи чорабинӣ намояндагони раёсати Агентӣ дар шаҳри Душанбе ва дигар иштирокчиёни семинар вобаста ба масъалаҳои мубрами рӯз андешаронӣ карданд. 

 

Ҳадаф аз баргузории чорабинӣ ин дар амал татбиқ намудани сиёсати пешгирифтаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба эълон шудани соли 2024 ҳамчун “Соли маърифати ҳуқуқӣ” ва дар ин замина баланд бардоштани мафкураи зиддикоррупсионии аҳли ҷомеа, пешгирӣ намудани содиршавии ҳуқуқвайронкуниҳои коррупсионӣ, таъмини иҷрои қонунҳо ва барномаҳои давлатии зиддикоррупсионӣ арзёбӣ мегардад.

 

Дар маҷмӯъ чорабинӣ дар фазои илмӣ ва мубоҳисавӣ сурат гирифта, умед аст, ки натиҷаҳои он таъсири мусбии худро ба афкори умум мерасонад.

 

Маркази матбуоти Агентӣ.

Чоп намудан E-mail

Вохӯрии директори Агентӣ бо Сафири фавқулода ва мухтори Ҷумҳурии Федеративии Олмон дар Ҷумҳурии Тоҷикистон

16 январи соли 2024 дар бинои дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон вохӯрии директори Агентӣ Султонзода Сулаймон Саид бо Сафири фавқулода ва мухтори Ҷумҳурии Федеративии Олмон дар Ҷумҳурии Тоҷикистон Йорк Шуграф баргузор гардид.

 

Дар мулоқот ҳолат ва дурнамои рушди ҳамкориҳои муштарак байни Агентӣ ва Сафорати Ҷумҳурии Федеративии Олмон дар Ҷумҳурии Тоҷикистон мавриди баррасӣ қарор дода шуда, дар ин замина таклифу пешниҳодҳо ҷиҳати ҳамоҳанг сохтани тадбирҳо ва ба роҳ мондани ҳамкории самарабахш дар самти мубориза бар зидди ҷиноятҳои коррупсионӣ ироа гардиданд.

 

Ҷонибҳо ба мувофиқа расиданд, ки баҳри мустаҳкам намудани робитаҳои дуҷониба дар ояндаи наздик байни Агентӣ ва мақомоти зиддикоррупсионии Ҷумҳурии Федеративии Олмон санади ҳамкорӣ дар самти муқовимат ба коррупсия омода карда шуда, ба имзо расонида шавад.

 

Маркази матбуоти Агентӣ.

Чоп намудан E-mail


Ҷустуҷӯ