Қаллобии корманди нозироти андоз

 Баҳодуров Сафохӯҷа Бурҳонхӯҷаевич ҳамчун иҷрокунандаи вазифаи сармутахассиси гурӯҳи хизматрасонӣ ба андозсупорандагони бо патент фаъолияткунандаи шуъбаи хизматрасонӣ ба андозсупорандагони  Нозироти андоз дар шаҳри Исфараи вилояти Суғд кор карда, зимни фаъолияти кориаш бо роҳи фиреб ва сӯиистифодаи боварӣ бо истифода аз мақоми хизматӣ аз шаҳрванд “А” барои рӯйпӯш намудани қонунвайронкуниаш маблағи 5000 сомонӣ талаб намудааст.

 

  Дар натиҷаи гузаронидани чорабиниҳои оперативӣ–тафтишотӣ Баҳодуров С.Б. баъди аз шаҳрванд “А” гирифтани маблағи 5000 сомонӣ дар ҷои ҳодиса дастгир гардида, маблағи мазкур аз ӯ ҳамчун далели шайъӣ ёфта гирифта шуд.

Маълумоти бештар

Чоп намудан E-mail

Гирифтани мукофот бо роҳи тамаъҷӯйӣ ва қаллобӣ

 Ҷумазода Ҳамза дар вазифаи сардори шуъбаи баруйхатгирии техникии Корхонаи давлатии фаръии «Бақайдгирии молу мулки ғайриманқул» дар ноҳияи Б.Ғафуров сипас дар ҳамин вазифа дар шаҳри Конибодом кору фаъолият карда, дар давраи фаъолияти кориаш бо роҳи фиреб ва сӯиистифодаи боварӣ ҳамчун хизматчии корхона аз шаҳрванд “А” барои мусоидат намудан дар ҳуҷҷатгузории шиносномаи техникии манзили истиқоматӣ ва гирифтани қарори эътироф намудани соҳибмулкии манзили истиқоматиаш дар  маҷмуъ маблағи 7000 сомонӣ ҳамчун мукофот бо роҳи тамаъҷӯйӣ талаб карда гирифта, онро ба эҳтиёҷоташ сарф намуда, ба манфиати охирин ягон амалро иҷро накардааст.

 

   Вобаста ба ҳолати зикршуда нисбати Ҷумазода Ҳамза бо моддаҳои 247 қисми 2 бандҳои “в,г” ва 324 қисми 1 Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, баъди анҷоми тафтиши пешакӣ он бо тасдиқи фикри айбдоркунӣ барои моҳиятан баррасӣ намудан ба суд ирсол карда шуд.

 

 Маркази матбуоти Агентӣ

Чоп намудан E-mail

Қаллобӣ ва ғайриқонунӣ додани қитъаи замин

  Ҳасанов Фирӯз Раҳматович, дар вазифаи сармутахассис муҳандис-заминсози Ҷамоати шаҳраки Бохтариёни ноҳияи Кӯшониён кор карда, дар давоми фаъолияти кориаш бо роҳи фиреб ва сӯиистифодаи боварӣ дар се ҳолат аз шаҳрвандон маблағи умумии 100.000 сомониро гирифта, ба манфиати шахсиаш тасарруф намуда, ба онҳо ғайриқонунӣ қитъаҳои замин ҷудо карда додааст.

 

  Вобаста ба ҳолати мазкур нисбати Ҳасанов Фирӯз Раҳматович бо моддаҳои 247 қисми 4 банди “б” ва 3381 қисми 2 бандҳои “а,в” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, баъди ба анҷом расонидани тафтиши пешакӣ он бо тасдиқи фикри айбдоркунӣ барои баррасӣ ба суд ирсол карда шуд.

 

  Маркази матбуоти Агентӣ

Чоп намудан E-mail

Қаллобӣ барои омода кардани шаҳодатномаи хизмати ҳарбии корношоям

 Нарзуллоев Сайёдҷон Боймуродович дар вазифаи сардори зершуъбаи молия ва хоҷагидории комиссариати ҳарбии ноҳияи Шаҳринав кор карда, дар давраи фаъолияти кориаш аз шаҳрванд “А” барои тайёр карда додани шаҳодатномаи хизмати ҳарбии корношоям маблағи 10000 сомонӣ талаб намуда, аз ин маблағ 5000 сомониашро гирифта, боз оварда додани маблағи боқимондаро талаб намудааст.

 

 Дар натиҷаи гузаронидани чорабиниҳои оперативӣ-тафтишотӣ Нарзуллоев С.Б. баъди аз шаҳрванд “А” гирифтани маблағи 2000 сомонии дигар дар ҷой ҳодиса дастгир карда шуда, маблағи мазкур аз ӯ ҳамчун далели шайъӣ ёфта гирифта шуд.

 

Маълумоти бештар

Чоп намудан E-mail

Омӯзиши дастаҷамъонаи китоби “Тоҷикон”

 Агентии назорати давлатии молиявӣ ва мубориза бо коррупсияи Ҷумҳурии Тоҷикистон баҳри баланд бардоштани ҳисси миллӣ ва огаҳӣ аз таъриху тамаддуни хеш, омӯзиши дастаҷамъонаи китоби “Тоҷикон”-и Бобоҷон Ғафуровро дар байни ҳайати шахсии мақомот ба роҳ мондааст.

 

 Бо ин мақсад таърихшиносону омӯзгорони Донишгоҳи миллии Тоҷикистон ҷалб гардида, мазмуну моҳияти ин шоҳасар ва ҳодисаҳои таърихии халқи тоҷик аз давраҳои хеле қадим то замони муосир мавриди омӯзиш қарор дода мешавад.

Маълумоти бештар

Чоп намудан E-mail

Қаллобӣ барои ҷудо кардани қитъаи замини наздиҳавлигӣ

 Маҳмадхоҷаев Наҷмудин Шарифхоҷаев дар вазифаи  сармутахассиси Кумитаи идораи  замини ноҳияи А.Ҷомӣ кор карда,  дар давраи фаъолияти  кориаш бо мақсади ба даст овардани фоидаи муфт бо сӯиистифода аз ваколатҳои хизматии худ аз шаҳрванд “А” барои аз заминҳои ҳудуди ноҳия ҷудо карда додани 0,06га қитъаи замини наздиҳавлигӣ ва ҳуҷҷатгузорӣ намудани он маблағи 9000 сомонӣ талаб намуда гирифта, маблағи тасарруф намудаашро ба эҳтиёҷоти шахсияш сарф кардааст.

 

 Вобаста ба ҳолати мазкур нисбати Маҳмадхоҷаев Н.Ш. бо моддаҳои 247 қисми 2 бандҳои «в,г» ва 3381 қисми 2 банди «в» Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, баъди ба анҷом расидани тафтиши пешакӣ барои моҳиятан баррасӣ намудан ба суд ирсол карда шуд.

 

 Маркази матбуоти Агентӣ

Чоп намудан E-mail

Семинари омӯзишии ҷумҳуриявӣ дар мавзӯи “Дарёфти роҳҳои муосир ва самараноки муқовимат ба коррупсия дар Ҷумҳурии Тоҷикистон”

  26-27 майи соли 2022 аз ҷониби Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар доираи ҳамкориҳо бо Дафтари барномаҳои САҲА дар Душанбе ва ҷалби намояндагон аз вазорату идораҳои давлатӣ дар истироҳатгоҳи “Сароб”-и ноҳияи Варзоб семинари омӯзишии ҷумҳуриявӣ зери унвони “Дарёфти роҳҳои муосир ва самараноки муқовимат ба коррупсия дар Ҷумҳурии Тоҷикистон” баргузор гардид.

 

 Нахуст чорабиниро роҳбарияти Агентӣ ҳусни оғоз бахшида, ҳузури иштирокчиёнро ба семинари мазкур хайрамақдам гуфтанд.

Маълумоти бештар

Чоп намудан E-mail

Семинари омӯзишӣ бо масъулини самти муқовимат ба коррупсияи дастгоҳи марказӣ ва воҳидҳои маҳаллию минтақавии Агентӣ

   20-21 майи соли 2022 дар бинои маъмурии дастгоҳи марказии Агентӣ бо иштироки муовини директори Агентӣ, генерал-майори адлия Аҳмадзода М.Р. ва масъулини самти муқовимат ба коррупсияи дастгоҳи марказӣ ва воҳидҳои маҳаллию минтақавии Агентӣ дар доираи Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030, семинари омӯзишӣ баргузор гардид.

 

 Чорабинии мазкур бо мақсади мубодила ва такмил додани таҷрибаи кормандони воҳидҳои маҳаллию минтақавии самти муқовимат ба коррупсияи Агентӣ, ҷиҳати ошкор ва баррасии ҳуқуқвайронкуниҳои маъмурӣ, гузаронидани санҷишҳои ҳолати иҷрои Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030, фаъолияти комиссияҳои ҷамъиятӣ оид ба пешгирии коррупсия дар назди мақомоти иҷроияи маҳаллии ҳокимияти давлатӣ, татбиқи қонунҳои Ҷумҳурии Тоҷикистон “Дар бораи муқовимат ба коррупсия”, “Дар бораи экспертизаи зиддикоррупсионии санадҳои меъёрии ҳуқуқӣ ва лоиҳаҳои санадҳои меъёрии ҳуқуқӣ” ва “Дар бораи танзими анъана ва ҷашну маросим дар Ҷумҳурии Тоҷикистон”, тартиби баргузории чорабиниҳои таблиғотию ташвиқотӣ ва таҳлили хавфҳои коррупсия роҳандозӣ карда шуд.

Маълумоти бештар

Чоп намудан E-mail


Ҷустуҷӯ