Дастаҷамъона тамошо кардани Паёми навбатии Президенти Ҷумҳурии Тоҷикистон ба Маҷлиси Олӣ
Имрӯз кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар толори маҷлисгоҳи мақомот Паёми навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистонро дар бораи самтҳои асосии сиёсати дохилӣ ва хориҷии кишвар дастаҷамъона тамошо карданд.
Мавриди таваҷҷуҳи мардуми кишвар қарор гирифтани Паёми Президенти Ҷумҳурии Тоҷикистон ба Маҷлиси Олӣ нишонаи дастгирии сокинон ба тасмимҳои шоиставу саривақтии роҳбарияти Олии кишвар аст, ки дар он намояндагони касбу корҳои гуногун нуктаҳои муҳими фаъолияти худро пайдо мекунанд ва дастуреро барои фаъолият то Паёми дигар ба даст меоранд.
Лозим ба ёдоварист, ки Паёми навбатии Президенти Ҷумҳурии Тоҷикистон ҳамчун ҳуҷҷати муҳими барномавӣ, сиёсию ҳуқуқӣ, иқтисодию иҷтимоӣ ва фарҳангӣ шинохта шуда, ифодакунандаи нуқтаи назари Сарвари давлат ба рушду таҳкими соҳаҳои гуногуни хоҷагии халқи мамлакат арзёбӣ мегардад.
Рушди соҳаҳои иқтисодиву иҷтимоии имрӯзаи Тоҷикистон, суботу ҳамдигарфаҳмии бардавом ва устувории сиёсӣ бо шарофати сиёсати дурандешонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон фароҳам оварда мешавад.
Аз ин лиҳоз, моро зарур аст, ки барои пешрафти ҷомеа ва фароҳам овардани дастовардҳои нав беғаразона фаъолият намуда, ҷиҳати амалӣ намудани дастуру супоришҳое, ки аз Паёми Пешвои миллат бармеояд, саҳмгузор бошем.
Маркази матбуоти Агентӣ