Иқтибос аз Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон аз 26.12.2018 | Мо соли ҷорӣ бо мақсади бартараф намудани санҷишҳои беасосу такрорӣ ва фароҳам овардани фазои мусоид барои рушди соҳибкорӣ ба ҳама гуна санҷишҳои фаъолияти соҳибкорони истеҳсолӣ дар давоми ду сол мораторий эълон намудем, ки аз он қариб 2000 субъектҳои соҳибкорӣ дар соҳаҳои истеҳсолӣ бархурдор гардиданд. | Барои тақвият бахшидан ба ин раванд, зарур мешуморам, ки солҳои 2019-2020 тамоми санҷишҳои фаъолияти субъектҳои соҳибкорӣ дар соҳаҳои истеҳсолӣ манъ карда, муқаррароти Қонуни Ҷумҳурии Тоҷикистон “Дар бораи мораторий ба санҷишҳои фаъолияти субъектҳои соҳибкорӣ дар соҳаҳои истеҳсолӣ” ба ҳамаи мақомоти санҷишу назорат ва ҳифзи ҳуқуқ, аз ҷумла Прокуратураи генералӣ, Палатаи ҳисоб, Агентии назорати давлатии молиявӣ ва мубориза бо коррупсия, Бонки миллӣ ва мақомоти андозу гумрук татбиқ карда шаванд. | Ба роҳ мондани муборизаи қатъӣ бо амалҳои коррупсионӣ шарти муҳимми фароҳам овардани фазои ҳамдигарфаҳмӣ дар ҷомеа ва таҳкими эътимоди мардум нисбат ба сохтору мақомоти давлатӣ мебошад. | Бинобар ин, Агентии назорати давлатии молиявӣ ва мубориза бо коррупсия, Палатаи ҳисоб, Прокуратураи генералӣ ва дигар субъектҳои ваколатдори соҳа бояд ҳамкориро бо аҳолӣ беҳтар ба роҳ монда, ҷиҳати гузоштани садди устувор дар роҳи амалҳои коррупсионӣ тадбирҳои муассир андешанд. | Ҳамзамон бо ин, якҷо бо Вазорати адлия лоиҳаи Қонуни Ҷумҳурии Тоҷикистон “Дар бораи мубориза бар зидди коррупсия”-ро, ки соли 2005 қабул шудааст, вобаста ба шароити имрӯза дар таҳрири нав таҳия ва пешниҳод намоянд. | Таъмин намудани тартиботи ҳуқуқӣ, амнияти давлат, суботу оромии ҷомеа, ҳифзи ҳуқуқу озодиҳои инсон ва шаҳрванд, инчунин, мубориза бо ҷинояткорӣ вазифаи бевоситаи хизматӣ ва қарзи виҷдонии ҳар як корманди мақомоти ҳифзи ҳуқуқ ба ҳисоб меравад. | Аз ин рӯ, тамоми кормандони мақомоти судӣ, прокуратура, корҳои дохилӣ, амният, агентиҳои назорати маводи нашъаовар, назорати давлатии молиявӣ ва мубориза бо коррупсия бо мақсади таъмин намудани тартиботи ҷамъиятӣ, суботу оромии ҷомеа, пешгирӣ ва сари вақт ошкор кардани ҷиноятҳо, муайян ва бартарафсозии сабабу омилҳои содиршавии онҳо чораҳои ҷиддӣ андешанд. | Барои расидан ба ин ҳадафҳо кормандони мақомоти ҳифзи ҳуқуқ бояд, пеш аз ҳама, худашон талаботи қонунҳоро дар кору фаъолияти хеш қатъиян риоя намоянд ва дар иҷрои вазифаҳои хизматӣ намунаи ибрат бошанд. |

Ифтитоҳи бинои иловагӣ дар назди Муассисаи таҳсилоти миёнаи умумии рақами 18 дар шаҳри Душанбе

 

15 март Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе муҳтарам Рустами Эмомалӣ дар ноҳияи Фирдавсии пойтахт бинои иловагии Муассисаи таҳсилоти миёнаи умумии рақами 18-ро мавриди баҳрабардорӣ қарор доданд.

Иншооти мазкур аз 4 ошёна ва таҳхона иборат буда, бо муосиртарин дастгоҳу таҷҳизоти зарурӣ таъмин гардидааст.

Пешвои миллат бо шарту шароити таълимӣ дар ин муассиса аз наздик шинос шуда, бо хонандагону омӯзгорон суҳбат намуданд.

Бинои мазкур аз  25 синфхона ва дигар иншооти ёрирасон иборат мебошад, ки дар ду баст бо назардошти синфхонаҳои фаннӣ 1560 хонандаро ба таҳсил фаро мегирад. Барои гузаронидани дарсҳои омодагии дифои ҳарбӣ, химия, физика ва биология синфхонаҳои алоҳида бо аёниятҳои муосири таълимӣ ва озмоишгоҳҳо таъмин карда шудааст. Ҳамчунин ҷиҳати омӯзонидани касбу ҳунар ба толибилмон, дар бинои нав ду синфхонаи таълими меҳнат барои духтарону писарон ташкил гардидааст, ки бо шароити зарурӣ ва дастгоҳу таҷҳизот таъмин мебошанд. Дар ин ҷо толибилмон дуредгарӣ, кандакорӣ, дӯхтани сару либос ва тарзи омодасозии ҳар гуна таомро меомӯзанд. 

Барои обу тоби ҷисмонии хонандагон, дар бинои нави таълимӣ толори махсуси варзиши сабук бунёд ва бо дастгоҳҳои варзишӣ муҷҷаҳаз гардонида шудааст. Ҳамчунин дар дохили   иншооти мазкур як китобхона, маҷлисгоҳ бо 100 ҷойи нишаст ва як анбори муосир барои нигоҳдоштани китоб сохта шудааст. Синфхонаи информатика бо компютерҳои ҳозиразамон таъмин буда, ба хати баландшиддати интернет пайваст мебошад. Ҳамзамон барои дар сатҳи баланд гузаронидани дарсҳо, синфхонаҳои таълимгоҳ бо тахтаҳои электронӣ муҷҷаҳаз гардидааст. 

Ба хотири инкишофи зеҳнии хонандагон бинои нав дорои синфхонаи алоҳида барои омӯзиш ва гузаронидани мусобиқаҳои шоҳмот буда, бо дастгоҳ ва аёниятҳо таъмин гардидааст. Дар ин иншоот ҳамчунин синфхонаҳои алоҳида барои рассомӣ, мусиқӣ ва утоқи ҳамшираи шафқат бунёд ёфтааст. Барои омӯзгорон бошад,утоқҳои алоҳидаи корӣ ташкил гардида, роҳраву синфхонаҳо бо системаи мутамарказонидашудаи гармидиҳӣ пайваст мебошанд.

Иттилоъ дода шуд, ки корҳои сохтмонӣ дар ин иншоот моҳи апрели соли 2018 оғоз ёфта, дар зарфи камтар аз як сол бо назардошти талаботи муосири меъморӣ ва таълимӣ ба анҷом расонида шуд. Дар доираи корҳои ободонӣ ҳамчунин роҳрав ва гирду атрофи муассиса бо дарахтони сояафкан ва гулу буттаҳои ороишӣ сабзу хуррам гардонида шудааст.

Бояд тазаккур дод, ки бинои куҳнаи Муассисаи таҳсилоти миёнаи умуии рақами 18 барои 780 нафар хонанда пешбинӣ гардида, то имрӯз дар он 1624 толибилм ба таҳсил фаро гирифта мешуд. Сохтмони иншооти мазкур, ки дар доираи дастуру ҳидоят ва сиёсати маорифпарваронаи Пешвои муаззами миллат сурат гирифт, ин мушкилии муҳассилину омӯзгоронро ба пуррагӣ ҳал намуд.

Аснои шиносоӣ ва суҳбат бо аҳли мактаб, Президенти Ҷумҳурии Тоҷикистон муҳтарам Эмомалӣ Раҳмон аз хонандагон даъват ба амал оварданд, ки чунин имконоту шароити муосирро самаранок истифода бурда, барои аз худ кардани дониш ва омӯхтани илмҳои замона ҳамаҷониба саъйю кӯшиш намоянд.   

Пас аз ифтитоҳи бинои иловагии муассисаи таълимӣ ва шиносоӣ бо шароити он, Пешвои миллат муҳтарам Эмомалӣ Раҳмон дар назди аҳли маорифи пойтахт суханронӣ намуда, фарорасии Наврӯзи байналмилалӣ ва ифтитоҳи бинои иловагии Муассисаи таҳсилоти миёнаи умумии рақами 18-ро ба ҳозирин табрику таҳният гуфтанд.

Таъкид гардид, ки дар солҳои минбаъд низ дар доираи нақша-чорабиниҳо бахшида ба 30-юмин солгарди Истиқлолияти давлатӣ дар ҳудуди шаҳри Душанбе  сохтмону ба истифодадиҳии таълимгоҳҳои нав ва биноҳои иловагӣ дар назар дошта шудааст, ки ин раванд сатҳи таълиму тарбия ва шароити илмомӯзиро боз ҳам беҳтар хоҳад кард.

Иброз гардид, ки  ҳоло сохтмони 21 муассисаи таълимӣ барои зиёда аз 40 ҳазор ҷойи нишаст дар шаҳри Душанбе босуръат идома дошта, ба ин васила мушкилоти норасоии ҷойи нишаст ҳаллу фасл хоҳад шуд.

Сарвари давлат муҳтарам Эмомалӣ Раҳмон барои баланд бардоштани сатҳу сифати таълиму тарбия, ба воя расонидани насли солимфикру навовар ба ҳозирин дастуру ҳидоятҳои муфид доданд.


Сомонаи расмии
Президенти Ҷумҳурии Тоҷикистон

Сомонаи расмӣ Прокуратураи генералии
Ҷумҳурии Тоҷикистон

Вазорати корҳои дохилии
 Ҷумҳурии Тоҷикистон

Агентии назорати нашъовари назди
Презтиденти Ҷумҳурии Тоҷикистон

Кумиати андози назди Ҳукумати
Ҷумҳурии Тоҷикистон

 

ХАДАМОТИ ГУМРУКИ НАЗДИ ҲУКУМАТИ
ҶУМҲУРИИ ТОҶИКИСТОН

 

Агентии Миллии иттилоотии
Тоҷикистон "Ховар"

 

Палатаи савдо ва саноати
Ҷумҳурии Тоҷикистон

 

© АГЕНТИИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯИ ҶУМҲУРИИ ТОҶИКИСТОН , 2013-2019.